Mer Maryupala: U balnicy žyŭcom zhareli amal 50 čałaviek
6.04.2022 / 21:56
Mer Maryupala Vadzim Bojčanka zajaviŭ, što horad ciapier amal całkam razburany rasijskimi akupantami. Bolš za 90% haradskoj infrastruktury źniščana. Ź ich, pa mienšaj miery, 40% užo nie moža być adnoŭlena.
Typovaja karcina dla siońniašniaha Maryupala
«Tolki pavodle papiarednich acenak u Maryupali za miesiac błakady zahinuli 5 tysiač čałaviek, ź jakich prykładna 210 — dzieci.
Rasijskija terarystyčnyja vojski skinuli niekalki zvyšmahutnych bombaŭ na dziciačuju balnicu, źniščyli adzin z karpusoŭ haradskoj balnicy №1. Žyŭcom zhareła amal 50 čałaviek.
Razbambili dramatyčny teatr, dzie da taho času ad abstrełaŭ chavałasia bolš za 900 čałaviek. Heta tolki niekalki prykładaŭ metanakiravanaha źniščeńnia mirnaha nasielnictva Maryupala», — adznačyŭ mer horada.
Bojčanka zaklikaŭ zachodnija krainy nieadkładna ŭvieści embarha na pastaŭki rasijskich nafty i hazu.