Zvolnili z pracy i departavali ź Biełarusi akciora Maksima Šyško
Akciora Maksima Šyško zvolnili z Respublikanskaha teatra biełaruskaj dramaturhii i vysłali ź Biełarusi. Taksama jamu zabaranili ŭjezd u krainu terminam na 10 hadoŭ. Maksim — hramadzianin Ukrainy, jon naradziŭsia ŭ 1989 hodzie ŭ Ratnie Vałynskaj vobłaści, paviedamlaje inicyjatyva BY_culture.
07.04.2022 / 20:11
27 lutaha, kali ŭ Biełarusi prachodziŭ refierendum na fonie antyvajennych akcyj, Šyško byŭ zatrymany i asudžany na 15 sutak. Heta i stała nahodaj dla jaho departacyi.
Šyško atrymlivaŭ akciorskuju adukacyju ŭ Biełarusi. U 2010 hodzie jon skončyŭ Brescki muzyčny koledž imia Ryhora Šyrmy, a ŭ 2014-m — Biełaruskuju akademiju mastactvaŭ (akciorski kurs Zoi Biełachvościk). Mieŭ biełaruski vid na žycharstva.
Za sakavik — pačatak krasavika ŭ RTBD byli zvolnienyja 4 akciory, a šmathadovy mastacki kiraŭnik teatra Alaksandr Harcujeŭ pakinuŭ svaju pasadu jašče ŭ kancy minułaha hoda.