AAN: Zafiksavana 1793 fakty hibieli mirnych žycharoŭ va Ukrainie
Pavodle infarmacyi Upraŭleńnia Viarchoŭnaha kamisara AAN pa pravach čałavieka, z 4 hadzin ranicy 24 lutaha da paŭnočy 9 krasavika zafiksavanyja 4232 achviary siarod hramadzianskaha nasielnictva Ukrainy. Siarod ich 1793 zabitych i 2 439 paranienych.
10.04.2022 / 23:34
176 cacak było raźmieščana ŭ śpiecyjalnym siektary na stadyjonie «Hieorhijas Karaiskakis» u hrečaskim Pirei padčas dabračynnaha futbolnaha matča Šachcior—Alimpijakos. Mienavita stolki zahinułych ukrainskich dziaciej było na toj momant (9 krasavika) zafiksavana
Zahinuli 458 mužčyn, 294 žančyny, 27 dziaŭčynak i 46 chłopčykaŭ, a taksama 69 dziaciej i 899 darosłych, poł jakich pakul nieviadomy.
Siarod paranienych 279 mužčyn, 213 žančyn, 47 dziaŭčynak i 46 chłopčykaŭ, a taksama 136 dziaciej i 1718 darosłych, poł jakich pakul nieviadomy.
Bolšaść zarehistravanych achviar siarod cyvilnaha nasielnictva zahinuli z-za prymianieńnia vybuchovych pryład ź vialikaj płoščaj paražeńnia, uklučajučy abstreły ź ciažkaj artyleryi i reaktyŭnych sistem załpavaha ahniu, a taksama rakietnych i avijacyjnych udaraŭ.
UVKPČ miarkuje, što realnyja ličby značna vyšejšyja, bo atrymańnie infarmacyi ź niekatorych miescaŭ, dzie iduć intensiŭnyja bajavyja dziejańni, zaciahnułasia, i mnohija paviedamleńni jašče nie paćvierdžanyja. Heta tyčycca Maryupala, Iziuma, Papasnaj i Baradzianki.
Hetyja dadzienyja ŭ ciapierašni čas praciahvajuć paćviardžacca i nie ŭklučanyja ŭ pryviedzienuju vyšej statystyku.