Brytaniec-marpiech, jaki abaraniaŭ Maryupal, chutčej za ŭsio, zdaŭsia ŭ pałon razam z padraździaleńniem
Ejden Eślin ź Ńjuarka pierajechaŭ va Ukrainu ŭ 2018 hodzie i ŭ toj ža hod pastupiŭ na słužbu ŭ marskuju piachotu Ukrainy.
12.04.2022 / 14:45
Na praciahu apošnich niekalkich tydniaŭ padraździaleńnie Eślina abaraniała abłožany horad Maryupal, jaki padviarhaŭsia mocnym bambardziroŭkam z boku rasijskich vojskaŭ.
Ejden pazvaniŭ siamji i siabram i paviedamiŭ, što jaho padraździaleńnie zdajecca ŭ pałon rasijskim vojskam, piša BBC.
«Jon patelefanavaŭ mnie i skazaŭ, što ŭ ich nie zastałosia zbroi, kab praciahvać baraćbu. Ja lublu svajho syna. Jon moj hieroj. Jany vajavali jak ilvy», — raspaviała maci brytanca pra apošniuju razmovu z synam.
Siabry marpiecha paviedamili, što im Ejden skazaŭ, što ŭ ich nie było inšaha vybaru, akramia zdačy ŭ pałon.