Ukrainskija ŭłady: U Maryupali zahinuli kala 22 tysiač čałaviek
U akružanym Maryupali ŭ vyniku dziejańnia rasijskich vojskaŭ zahinuli da 22 tysiač čałaviek. Pra heta zajaviŭ kiraŭnik Danieckaj abłasnoj administracyi Pavieł Kirylenka ŭ kamientary CNN.
12.04.2022 / 20:13
Fota: Reuters
«Ciapier my havorym ab ad 20 da 22 tysiačach zahinułych u Maryupali», — skazaŭ Kirylenka.
Kiraŭnik administracyi adznačyŭ, što situacyja ŭ horadzie ciažkaja i dadaŭ, što padlik achviar uskładniajecca bieśpierapynnymi bajavymi dziejańniami.
Jon taksama prakamientavaŭ chimičnuju ataku rasijan u Maryupali.
«My viedajem, što minułaj nočču kala paŭnočy bieśpiłotnik skinuŭ niejkaje pakul nieviadomaje vybuchovaje prystasavańnie na ludziej, jakija znachodzilisia ŭ rajonie Maryupalskaha mietałurhičnaha kambinata, troje ludziej adčuli siabie drenna», — skazaŭ Kirylenka.