Zialenski prapanavaŭ Rasii abmianiać Viktara Miedźviedčuka na pałonnych ukrainskich vajskoŭcaŭ
Prezident Ukrainy Uładzimir Zialenski prapanavaŭ abmianiać zatrymanaha 12 krasavika kiraŭnika palitrady partyi «Apazicyjnaja płatforma — za žyćcio», kuma Pucina Viktara Miedźviedčuka, na pałonnych ukrainskich vajskoŭcaŭ.
13.04.2022 / 08:21
«Vielmi simvalična, što mienavita ŭ Dzień kasmanaŭtyki byŭ zatrymany spadar Miedźviadčuk. Jon chavaŭsia 48 dzion. I voś narešcie vyrašyŭ pasprabavać źbiehčy za miežy našaj dziaržavy. <…> Liču asabliva cyničnym ź jaho boku vykarystańnie vajennaha kamuflažu. Sprabavaŭ tak zamaskiravacca. <…>
Što ž, kali Miedźviadčuk sam abraŭ dla siabie vajennuju formu, jon padpadaje pad praviły vajennaha času. Prapanuju Rasijskaj Fiederacyi abmianiać hetaha vašaha chłopca na našych chłopcaŭ i dziaŭčat u ruskim pałonie. Tamu važna, kab našy pravaachoŭnyja orhany i vajskoŭcy taksama razhledzieli takuju mahčymaść», — zajaviŭ Zialenski.