Palitviaźnia Jaŭhiena Afnahiela pieravodziać na dva hady ŭ «krytuju» turmu
Takoje rašeńnie vyniesła navapołackaja sudździa Iryna Žarava. Sud prachodziŭ pa videasuviazi z kałonijaj, dzie Afnahiel adbyvaje pakarańnie.
13.04.2022 / 11:37
Jaŭhiena Afnahiela pieravodziać z kałonii na dva hady na turemny režym, paviedamlajuć pravaabaroncy.
Raniej kamisija navapołackaj kałonii prapanavała pieravieści aktyvista «Jeŭrapiejskaj Biełarusi» na turemny režym terminam na try hady.
Afnahiel byŭ asudžany ŭ mai 2021 hoda na siem hadoŭ pa abvinavačvańni va ŭdziele ŭ masavych biesparadkach i padrychtoŭcy masavach biesparadkaŭ. Pakarańnie jon adbyvaje ŭ navapołackaj kałonii №1.
Na pačatku sakavika palitviaźnia paśla štrafnoha izalatara, dzie jon prabyŭ 1,5 miesiaca, adrazu pieraviali ŭ pamiaškańnie kamiernaha typu. Taksama jamu źmienšyli «atavarku» da 1 bazavaj vieličyni ŭ miesiac.
VK №1, 211440, h. Navapołack, vuł. Techničnaja, 8, Jaŭhienu Iharaviču Afnahielu.