26 aŭtamabilaŭ, 32 kvatery, 23 damy: va Ukrainie aryštavali majomaść Miadźviedčuka i jaho žonki
Łyčakaŭski rajonny sud Lvova aryštavaŭ 154 abjekty majomaści kiraŭnika partyi «Apazicyjnaja płatforma — za žyćcio» (APZŽ) Viktara Miadźviedčuka i jaho žonki Aksany Marčanka.
14.04.2022 / 13:12
Pra heta paviedamiła Dziaržaŭnaje biuro rasśledavańniaŭ Ukrainy.
Siarod aryštavanaj majomaści palityka — 26 aŭtamabilaŭ, 30 ziamielnych učastkaŭ, 23 damy, 32 kvatery, 17 parkovačnych miescaŭ i matornaja jachta.
Pad aryšt taksama patrapili doli ŭ statutnych kapitałach 25 kampanij, bienieficyjarami jakich źjaŭlajucca Miedźviadčuk i jaho žonka.
Aryšt praviali pa pradstaŭleńni Dziaržaŭnaha biuro rasśledavańniaŭ i Ofisa hienieralnaha prakurora Ukrainy.
Raniej sud aryštavaŭ jašče adnu jachtu i inšuju majomaść Miadźviedčuka i jaho žonki. Siarod inšaha havorka idzie pra asabisty samalot palityka, kvatery, aŭtamabili i karciny viadomych mastakoŭ.