Bieły dom: ZŠA nie majuć namieru viartać rasijskim biźnieśmienam aryštavanyja aktyvy
Pra toje, što ŭ namiery ZŠA nie ŭvachodzić viartańnie aryštavanych aktyvaŭ rasijskim bizneśmienaŭ, paviedamiŭ pamočnik prezidenta ZŠA pa nacyjanalnaj biaśpiecy Džejk Salivan.
14.04.2022 / 19:44
Džejk Salivan. Fota: Reuters
«Naša meta — nie ŭ tym, kab viartać ich. Naša meta — u tym, kab vykarystoŭvać ich lepš», — zajaviŭ Salivan padčas vystupleńnia ŭ Ekanamičnym kłubie Vašynhtona.
Raniej Kanhres ZŠA nie zmoh pryniać zakon, zhodna ź jakim aryštavanyja aktyvy rasijskaha biznesu mahli b być pieradadzienyja ŭkrainskamu boku.
Salivan taksama adznačyŭ, što ZŠA rychtujuć novyja miery dla baraćby z uchileńniem Rasii ad sankcyj, piša Reuters.
«Na praciahu najbližejšych dzion naša ŭvaha budzie zasiarodžanaja na ŭchileńni… Ja dumaju, što na praciahu nastupnaha tydnia-dvuch my budziem mieć niekatoryja paviedamleńni, jakija vyznačać mety, jakija sprabujuć spryjać hetamu ŭchileńniu jak unutry Rasiei, tak i za jaje miežami», — skazaŭ jon.
Taksama Salivan skazaŭ, što lubyja sproby Rasii sarvać pastaŭki zbroi na karyść Ukrainy mohuć abvastryć supraćstajańnie z Zachadam.
«Złučanyja Štaty nie dziejničajuć na terytoryi Ukrainy, tamu, kali rasijanie naniasuć udar pa terytoryi NATA, dzie źbirajecca materyjalna-techničnaja baza, heta budzie padstavaj dla prymianieńnia artykuła 5 i budzie poŭnaj źmienaj hulni», — skazaŭ jon.