U Kramli nazvali pieršačarhovuju zadaču «śpiecapieracyi» va Ukrainie
Hałoŭnaj zadačaj rasijskich uzbrojenych sił, jakija pravodziać śpiecapieracyju va Ukrainie, źjaŭlajecca źniščeńnie «nacyjanalistyčnych bataljonaŭ», i heta budzie vykanana.
15.04.2022 / 13:48
Pra heta zajaviŭ žurnalistam pres-sakratar prezidenta Rasii Dźmitryj Piaskoŭ.
«Hałoŭnaje — heta vyzvalać ŭsio-taki [terytoryju Ukrainy] ad hetych nacyjanalistyčnych bataljonaŭ. Apieracyja praciahvajecca, i zadačy, jakija stajać, dobra viadomyja. Jany pavinny być vykananyja i buduć vykananyja. Nijakich sumnievaŭ być nie pavinna», — skazaŭ Piaskoŭ.
Jon adznačyŭ, što ŭ tych rajonach, dzie mirnych žycharoŭ nie biaruć u zakładniki i pry abstrełach nie pakutujuć sacyjalnyja abjekty i damy, — tam «naładžvajecca mirnaje žyćcio».
«A ŭ tych miescach, dzie nacyjanalistyčnyja bataljony zajmajucca tym, što ja ŭžo skazaŭ, tam adbyvajecca žorstkaja baraćba i tam jany ŭsie padlahajuć źniščeńniu», — dadaŭ pradstaŭnik Kramla.