Stała viadoma, kali ŭ Minsku pačniecca siezon atrakcyjonaŭ
Siezon atrakcyjonaŭ adkryjuć 27 krasavika.
18.04.2022 / 08:34
16 krasavika ŭ parku Čaluskincaŭ prajšło adkryćcio tancavalnaha siezona na placoŭcy «Sustreča», a ŭžo krychu bolš čym praz tydzień u minskich parkach pačnuć pracavać karusieli, paviedamlajuć «Minsk-naviny».
«Letaś pasłuhami našych parkaŭ ahułam skarystałasia bolš za 1,7 młn čałaviek. Spadziajomsia, što ŭ 2022-m hety pakazčyk zachavajecca. Tym bolš, što košt kvitkoŭ na karusieli budzie raniejšy — ad 1,5 da 6 rubloŭ», — raspavioŭ načalnik upraŭleńnia «Haradskija parki» pradpryjemstva «Minskzielenbud» Viačasłaŭ Łabačeŭski.
Čas pracy atrakcyjonaŭ taksama zastaniecca raniejšym:
paniadziełak, aŭtorak — vychadnyja dni;
sierada, čaćvier, niadziela — z 11.00 da 20.00,
piatnica, subota, pieradśviatočnyja dni — z 11.00 da 21.00,
śviatočnyja dni — 11.00 da 22.00.