Miedźviadčuk prosić abmianiać jaho na abaroncaŭ Maryupala
Viktar Miedźviadčuk źviarnuŭsia da Zialenskaha i Pucina z prośbaj abmianiać jaho na abaroncaŭ Maryupala i zabłakavanych u horadzie mirnych žycharoŭ.
18.04.2022 / 13:13
Jon adznačyŭ, što tyja znachodziacca ŭ zakrytym horadzie, nie majučy biaśpiečnaha vychadu praz humanitarnyja kalidory.
Ahresija Rasii vyklikała ŭ Maryupali adnu z najbujniejšych humanitarnych katastrof. Zachopniki bambiać mirnaje nasielnictva, błakujuć dastaŭku ŭ horad humanitarnaj dapamohi, prymusova vyvoziać ukraincaŭ na terytoryju Rasii i śviadoma rujnujuć horad.
Pry hetym u zabłakavanym Maryupali zastajucca, pa roznych acenkach, kala 120 tysiač mirnych žycharoŭ, a horad praciahvajuć abaraniać bajcy pałka «Azoŭ» i 36-j bryhady marskoj piachoty.
SBU zatrymała Miedźviedčuka 12 krasavika. FSB RF sprabavała vyvieźci źbiehłaha deputata spačatku ŭ Prydniastroŭje, a zatym — u Maskvu. SBU zatrymała na vyjeździe z Kijeŭskaj vobłaści, nahadvaje «Ukrainskaja praŭda».