Biełarus pamior na budaŭnictvie AES u Banhładeš
Hramadzianin Biełarusi pamior na budaŭnictvie AES «Rupur» u Banhładeš. Jahonaje cieła znajšli ŭ pakoi ŭ domie, dzie žyvuć zamiežnyja budaŭniki, piša reform.by.
18.04.2022 / 16:41
Budaŭnictva AES «Rupur» u Banhładeš. Fota: Global Look Press
Mužčynu było 52 hady, jon pracavaŭ u kampanii Grunwald, jakaja zajmajecca budaŭnictvam AES. U artykule ahienctva United News of Bangladesh nazyvajecca jaho imia — Ivanu Maxim.
Cieła mužčyny znajšoŭ u piatnicu ranicaj jaho susied i vyklikaŭ palicyju. Palicyja miarkuje, što pryčynaj śmierci mahło stać spynieńnie serca.
Darečy, u kancy studzienia — pačatku lutaha hetaha hoda ŭ Banhładeš pamierli piać rasijan, jakija pracavali na budaŭnictvie hetaj samaj AES «Rupur». Miascovyja ŭłady viaduć rasśledavańnie.