Rasijanie zasiarodzilisia na praryvie abarony na Danbasie i zachopie Maryupala — Hienštab
Taksama nie spyniajucca abstreły hramadzianskich abjektaŭ u Mikałajevie.
19.04.2022 / 07:53
Fota: AP
«Rasijskija vojski zasiarodzilisia na praryvie abarony ŭkrainskich vojskaŭ u Łuhanskaj i Danieckaj abłaściach, a taksama ŭstanaŭleńni poŭnaha kantrolu nad Maryupalem». Pra heta havorycca ŭ ranišniaj zvodcy Hienštaba Ukrainy.
Taksama ŭ Zaparožskaj vobłaści praciahvajecca zasiarodžvańnie padraździaleńniaŭ u niekatoryz rajonach.
Na Paŭdniovabuhskim kirunku asnoŭnyja namahańni vorah zasiarodžvaje na vychadzie ŭ miažu Chiersonskaj vobłaści.
Nie spyniajucca abstreły hramadzianskich abjektaŭ u Mikałajevie. Taksama adbyvajecca častkovaje błakavańnie Charkava, pieradaje Hienštab.
Ułady Dnieprapiatroŭskaj vobłaści paviedamili ab načnych abstrełach
Načalnik vajennaj administracyi Kryvoha Roha (taksama ŭvachodzić u Dnieprapiatroŭskuju vobłaść) Alaksandr Viłkuł paviedamiŭ, što pad abstreł z reaktyŭnych sistem załpavaha ahniu i artyleryi trapiŭ nie tolki Zielenadolsk, ale i vioski Marianskoje i Vialikaja Kastromka. Achviar, pa słovach Viłkuła, niama.
Učora pačałasia novaja faza vajna, jakuju nazvali vialikaj bitvaj za Danbas