Minčuka asudzili da dvuch hadoŭ kałonii za supraciŭ učastkovamu
Stała viadoma, što sud Savieckaha rajona jašče 4 lutaha asudziŭ 50-hadovaha minčuka Alaksandra Sakałoŭskaha da 2 hadoŭ kałonii ŭzmocnienaha režymu pavodle č. 2 art. 363 KK (supraciŭ supracoŭniku orhanaŭ unutranych spraŭ), paviedamlaje «Viasna».
19.04.2022 / 22:39
Incydent adbyŭsia 30 kastryčnika minułaha hoda. Tady ŭčastkovy ŭbačyŭ uviečary ŭ kramie mužčynu ŭ navušnikach z «Pahoniaj». Milicyjant vyrašyŭ, što toj niezakonna pikietuje, i pryniaŭ rašeńnie jaho zatrymać, niahledziačy na toje, što byŭ na vychadnym i ŭ cyvilnaj formie.
Sakałoŭski, kali da jaho ŭ dvarach padyšoŭ učastkovy, padumaŭ, što na jaho napadajuć, — adbyłasia tuzanina. Ale mužčynu ŭsio ž taki zatrymali i aryštavali na 15 sutak za niezakonny pikiet navušnikami.
Paśla ž suprać jaho raspačali kryminalnuju spravu. U paciarpiełaha milicyjanta pry zatrymańni na ruce ŭtvaryłasia ranka — Sakałoŭski pavinien budzie vypłacić jamu 1000 rubloŭ maralnaj kampiensacyi.