Niemcy pieradumali ŭručać premiju Aŭsiańnikavaj
Byłaja redaktarka rasijskaha «Pieršaha kanała» Maryna Aŭsiańnikava mieła atrymać niamieckuju «Premiju ŚMI za svabodu» razam z prezidentam Uładzimiram Zialenskim i Śviatłanaj Cichanoŭskaj.
22.04.2022 / 13:28
Adnak arhkamitet źmianiŭ svajo rašeńnie i nie budzie ŭručać joj uznaharodu. Pra heta paviedamiŭ Franak Viačorka, daradca Śviatłany Cichanoŭskaj.
Premiju atrymajuć tolki Uładzimir Zialenski i Śviatłana Cichanoŭskaja.
Uznaharodu uručyć staršynia frakcyi Jeŭrapiejskaj narodnaj partyi ŭ Jeŭraparłamiencie.
Maryna Aŭsiańnikava stała suśvietna viadomaj paśla akcyi, jakuju praviała ŭ žyvym efiry «Pieršaha kanała». Padčas navinnaha vypusku z Kaciarynaj Andrejevaj jana ŭstała za viadučaj z płakatam z tekstam: «Spynicie vajnu, nie viercie prapahandzie, vam tut chłusiać». Paśla zvalnieńnia Aŭsiańnikavu ŭziali ŭ vydańnie Die Welt.