Mahutnyja pažary ŭ Bransku: harać reziervuary dyzpaliva na naftapravodzie «Družba» i ŭ vajskovaj čaści
Adnačasovaść pažaraŭ pakazvaje na vialikuju imaviernaść dyviersii.
25.04.2022 / 08:15
Adzin reziervuar z 10 tysiačami ton dyzielnaha paliva haryć na terytoryi AT «Transnafta-Družba», a druhi, z dyzpalivam, na terytoryi vajskovaj čaści 55443.
Pavodle źviestak MNS, paviedamleńnie ab pažary ŭ Fokinskim rajonie Branska pastupiła a 02.00. Na miesca vykliku nakiravali pažarna-ratavalnyja raźliki pa pavyšanym ranhu pažaru.
Branskaja vobłaść — susiedniaja z Ukrainaj i Biełarussiu. Raniej ukrainskija viertaloty źniščyli naftabazu ŭ Biełharadzie.
Rasijskaje Minabarony pry hetym nie raz zajaŭlała, što ŭkrainskija vajenna-pavietranyja siły całkam źniščanyja.
Tym časam Rasija paśladoŭna źniščaje ŭsie ŭkrainskija abjekty z zapasami paliva. Učora siem rasijskich rakiet udaryli pa naftapierapracoŭčym zavodzie i ciepłaelektrastancyi ŭ centralnaŭkrainskim horadzie Kremienčuh.