Pry pažary ŭ NDI vojskaŭ pavietrana-kaśmičnaj abarony ŭ rasijskaj Ćviery zahinuli 17 čałaviek
17 čałaviek zahinuli ŭ vyniku pažaru ŭ budynku Centralnaha daśledčaha instytuta pavietrana-kaśmičnaj abarony RF u rasijskaj Ćviery. Pra heta paviedamlajecca na sajcie ŭrada rehijona.
25.04.2022 / 13:44
«Na žal, na hety momant aficyjna paćvierdžanaja kolkaść zahinułych pavialičyłasia da 17 čałaviek, apaznana piaciora ź ich», — havorycca ŭ paviedamleńni.
Pažar u NDI vojskaŭ pavietrana-kaśmičnaj abarony ŭ Ćviery, śpiecyjalisty jakoha siarod inšaha zajmalisia raspracoŭkaj rakietnych sistem «Iskander», adbyŭsia 21 krasavika.
Ahulnaja płošča ŭzharańnia dasiahnuła 2,5 tysiačy kvadratnych mietraŭ. Patušyć jaho ŭdałosia tolki na nastupny dzień. Da tušeńnia pryciahnuli bolš za 240 čałaviek, zvyš 60 adzinak techniki i viertalot Mi-8. Razbor zharełych kanstrukcyj praciahvajecca.
Usiaho z budynka vyratavanyja 54 čałavieki, jašče 98 evakuijavanyja. Kala 30 čałaviek u vyniku pažaru paciarpieli. Vajennyja śledčyja raspačali kryminalnuju spravu ab parušeńni patrabavańniaŭ pažarnaj biaśpieki, što paciahnuła pa nieaściarožnaści śmierć dvuch abo bolš asob (častka 3 artykuła 219 KK RF)