Biełaruś i Rasija buduć siabravać cyrkami
Biełaruś i Rasija stvaryli kamisiju pa supracoŭnictvie cyrkaŭ. Pra heta paviedamlaje biełaruski Minkult pa vynikach narady, jakaja adbyłasia ŭ Minsku.
25.04.2022 / 17:25
U naradzie pryniali ŭdzieł ministr kultury Anatol Markievič, kiraŭnictva biełaruskich dziaržaŭnych cyrkaŭ, «Roshoscirka».
«Abodva baki vykazali zacikaŭlenaść u pašyreńni pramych suviaziaŭ pamiž cyrkami Biełarusi i Rasii na ŭzajemavyhadnych umovach. Vyjści na novy vitok supracoŭnictva dazvolić stvoranaja pa vynikach narady kamisija. Hetaj kamisijaj u bližejšy čas budzie vypracavana darožnaja karta dalejšaha ŭzajemadziejańnia» — — raskazali ŭ Ministerstvie kultury.
Ministr Anatol Markievič zajaviŭ, što adnosiny Biełarusi i Rasii ŭ sfiery cyrkavoha mastactva pavinny vychodzić na jakasna novy etap. Pavodle jaho słoŭ, biełaruskim cyrkačam jość što prapanavać rasijanam, a tvorčaść rasijskich kaleh karystajecca papularnaściu ŭ Biełarusi.