Jabłyki, hrušy, harbuzy… U Biełarusi pajšli na vyklučeńni z praduktovaha «embarha»
Vyklučeńni ź pieraliku sadaviny i harodniny, zabaronienaj dla ŭvozu ŭ Biełaruś, praduhledžanyja pastanovaj Saŭmina №245 ad 22 krasavika.
26.04.2022 / 00:47
Hetaja pastanova spatrebiłasia tamu, što ŭ śniežni 2021 hoda ŭrad apublikavaŭ śpis tavaraŭ, jakija zabaronienyja da ŭvozu i prodažu ŭ Biełarusi z 1 studzienia. Śniežański dakumient źmiaščaŭ pieralik tavaraŭ ź dziaržaŭ — členaŭ ES, ZŠA, Kanady, Narviehii, Ałbanii, Isłandyi, Paŭnočnaj Makiedonii, Vialikabrytanii, Čarnahoryi, Šviejcaryi. U śpis uvajšli raznastajnyja pradukty charčavańnia (akramia ryby) i syravina.
Ale zdajecca, što ŭłady pieraacanili svaje siły ŭ impartazamiaščeńni. I ciapier u pieralik vyklučeńniaŭ uniesienyja jabłyki, hrušy, sałata-łatuk, bakłažany, płady capsicum (vostry pierac) abo rodu pimenta, śviežyja abo achałodžanyja, harbuzy, kabački i inšaja harodnina siamiejstva harbuzovych (Cucurbita spp.), śviežaja abo achałodžanaja, inšaja harodnina, śviežaja abo achałodžanaja.
Pastanova №245 nabyvaje moc 27 krasavika.