AMAP i ŭnutranyja vojski patreniravalisia vajavać suprać praciŭnika, jaki taksama ŭzbrojeny
U Minsku prajšli taktyka-śpiecyjalnyja vučeńni z udziełam śpiecpadraździaleńniaŭ unutranych vojskaŭ i staličnaha AMAP. Na ich mieli adpracavać navyki supraćstajańnia realnamu praciŭniku, jaki maje ŭ rukach zbroju.
27.04.2022 / 22:44
Asablivuju ŭvahu nadavali dziejańniam bajcoŭ pry napadzie na kałonu techniki, jakaja pravodzić marš, spynieńnie sprobaŭ «niezakonnych uzbrojenych farmavańniaŭ» praniknuć u nasieleny punkt, ich pošuku i likvidacyi, vyzvaleńni zakładnikaŭ, akazańni mieddapamohi ŭ palavych umovach paranienym, a taksama arhanizacyi i niasieńni słužby na błokpastach.
Pres-słužba MUS adznačyła, što nieabchodnaść adpracoŭki zhadanych dziejańniaŭ «naśpieła ŭ suviazi z peŭnaj napružanaściu na miežach našaj krainy».
Za vučeńniami sačyli ministr unutranych spraŭ Ivan Kubrakoŭ i jahony namieśnik, kamandujučy ŭnutranym vojskami Mikałaj Karpiankoŭ. Kubrakoŭ daručyŭ pravieści padobnyja vučeńni i ŭ rehijonach.