Palitviazień Aleh Chičoŭ adbyŭ termin u kałonii i vyjšaŭ na volu
29 krasavika z papraŭčaj kałonii №15 vyjšaŭ palitviazień Aleh Chičoŭ. Jon adbyŭ uvieś termin pakarańnia i byŭ vyzvaleny, paviedamlaje «Viasna».
30.04.2022 / 20:46
Haradzienca Aleha Chičova zatrymali 31 traŭnia 2021 hoda ŭ miežach kryminalnaj spravy ab hrupavych dziejańniach, što hruba parušajuć hramadski paradak (art. 342 KK). Jaho abvinavacili ŭ tym, što 10 žniŭnia 2020 hoda jon udzielničaŭ u akcyi pratestu suprać vynikaŭ prezidenckich vybaraŭ.
18 kastryčnika chłopca asudzili na 1 hod i 2 miesiacy kałonii.