Kamandavańnie Ukrainy zajaviła ab pierachodzie ŭ kontrnastup pa dvuch kirunkach
Pra heta havorycca ŭ paviedamleńni pa vynikach telefonnaj razmovy hałoŭnakamandujučaha USU Valeryja Załužnaha sa staršynioj abjadnanaha kamiteta načalnikaŭ štaboŭ ZŠA Markam Mili.
05.05.2022 / 14:06
«Prainfarmavaŭ svajho amierykanskaha kalehu pra apieratyŭnuju abstanoŭku. U pryvatnaści, pra pieramiaščeńnie asnoŭnych siłaŭ sapiernika na Łuhanski kirunak, dzie ŭ rajonie Papasnaj, Kramiannoj i Torskaha praciahvajucca lutyja bai, a taksama ab pierachodzie siłaŭ abarony Ukrainy da kontrnastupalnych dziejańniaŭ na Charkaŭskim i Iziumskim kirunkach», — zajaviŭ Załužny.
Taksama jon akcentavaŭ uvahu na adnaŭleńni prymianieńnia rasijskimi vojskami kryłatych rakiet. Hałoŭnaj metaj hetych dziejańniaŭ, pavodle jaho, źjaŭlajecca razbureńnie łahistyčnych šlachoŭ pastaŭki vajenna-techničnaj dapamohi Ukrainie. Tak, na praciahu sutak 3 maja, jak śćviardžaje Załužny, sapiernik užyŭ 14 kryłatych rakiet, vypuščanych sa stratehičnych bambavalnikaŭ TU-160 z Kaśpijskaha mora.