Больш за месяц палітвязню не перадавалі лекі, якія ён мусіць прымаць рэгулярна пасля перанесенага раку
Гамяльчук Яўген Галіч быў затрыманы напачатку сакавіка. Увесь час, што ён сядзеў у ІЧУ, ён правёў без гармальнальнага прэпарата, які мусіць прымаць рэгулярна пасля раку шчытападобнай залозы.
09.05.2022 / 18:33
Спачатку Яўгена трамалі па адміністрацыйных артыкулах, пасля завялі крыміналку. Яго абвінавачваюць па артыкуле 203-1 (незаконныя дзеянні ў адносінах інфармацыі пра прыватнае жыццё і персанальных звестак). Цяпер ён у гомельскім СІЗА. Галіч прызнаны палітвязнем
У мужчына была пухліна шчытападобнай залозы. Пасля хваробы ён мусіў рэгулярна прымаць гарманальны прэпарат, які замяшчае яе функцыі.
Яўгену перадалі неабходныя лекі ў ІЧУ, але да яго яны там не дайшлі. Хоць следчы тэлефанаваў у анкадыспансэр даведацца, ці сапраўды чалавек стаіць на ўліку. І толькі праз тыдзень, як мужчыну перавялі ў СІЗА, яму перадалі прэпарат.
Больш за месяц Яўген правёў без неабходных лекаў.