U Bresckaj vobłaści zatrymali mužčynu. Jon paraŭnaŭ Łukašenku z Hitleram
U «pakajannym» videa mužčyna raspaviadaje, što jon pracuje vartaŭnikom, i što zatrymali jaho za toje, što jon byŭ zarehistravany ŭ płanie «Pieramoha», u sacsietkach paraŭnoŭvaŭ Łukašenku z Hitleram i raźmiaščaŭ ich fotazdymki pobač, a taksama byŭ padpisany na telehram-kanały, jakija ŭ Biełarusi pryznanyja ekstremisckimi, piša «Viasna».
10.05.2022 / 16:38
Doma ŭ jaho adbyŭsia pieratrus, padčas jakoha znajšli nacyjanalny ściah.
Paviedamlajecca, što zatrymanamu pradjaŭlenyja abvinavačvańni pa artykułach 369 KK («Abraza pradstaŭnika ŭłady»), 361-4 KK («Sadziejničańnie ekstremisckaj dziejnaści») i 361-1 KK («Stvareńnie ekstremisckaha farmavańnia abo ŭdzieł u im»).