У Расіі губернатарапад — пяцёра падалі ў адстаўку. Магчыма, гэта не канец
10 мая кіраўнікі пяці рэгіёнаў Расіі абвясцілі пра сваю адстаўку. Адстаўкі нібыта планавыя і адбыліся праз тое, што выйшаў тэрмін паўнамоцтваў гэтых губернатараў, піша «Медуза».
10.05.2022 / 17:00
Пра сыход з пасад ці пра невылучэнне на наступных выбарах абвясцілі губернатары:
- Томскай вобласці Сяргей Жвачкін;
- Кіраўскай — Ігар Васільеў;
- Саратаўскай — Валерый Радаеў;
- Разанскай — Мікалай Любімаў;
- кіраўнік Марый Эл Аляксандр Еўсціфееў.
Ці канец гэта, пакуль не вельмі зразумела.
Паводле крыніц «Медузы», першапачаткова кіраўнікі рэгіёнаў мусілі абвясціць пра адстаўку ў лютым-сакавіку, але адклалі гэта з-за пачатку вайны Расіі ва Украіне.