HUBAZiK zatrymaŭ nastaŭnika matematyki, jaki adpraŭlaŭ žurnalistam paviedamleńni ab pieramiaščeńni vajskovaj techniki
15 traŭnia HUBAZiK daŭ spravazdaču ab zatrymańni nastaŭnika matematyki pa artykule ab sadziejničańni ekstremisckaj dziejnaści (artykuł 361-4 KK). Paviedamleńnie ab hetym zjaviłasia ŭ praŭładnym telehram-kanale, piša «Miedyjazona». Nastaŭnik nibyta adpraŭlaŭ žurnalistam SMS-paviedamleńni ab pieramiaščeńni rasijskaj vajskovaj techniki.
16.05.2022 / 12:41
«U sakaviku 2022 hoda ja adpraviŭ niekalki SMS-paviedamleńniaŭ na numar «Biełsata». Numar telefona ja ŭziaŭ u Jutubie, u televizary. Paviedamleńni byli ab tym, što latajuć vajennyja samaloty. Ja ŭ hetym raskajvajusia, ja pahutaryŭ z supracoŭnikami HUBAZiKa i zrazumieŭ, što z «Biełsatam» nielha razmaŭlać, tamu što heta ekstremisckaja arhanizacyja», — raspavioŭ nastaŭnik u «pakajannym» videa.