Ekanomika

«Santa-Bremar» spyniła pastaŭki siomhi ŭ Rasiju

Biełaruski vytvorca rybnaj pradukcyi «Santa Bremar» prypyniŭ pastaŭki siomhi ŭ Rasiju pad brendam «Ruskaje mora».

Biełaruski vytvorca sutyknuŭsia ź ciažkaściami praz spynieńnie ekspartu ryby ź Jeŭropy, piša ŭ čaćvier hazieta «Kommiersant» sa spasyłkaj na krynicy ŭ handlovych sietkach i rybnaj halinie.

Pa słovach adnoj z krynic, biełaruskaja kampanija papiaredziła ab prypynieńni pastavak u suviazi z abmiežavańniem ekspartu syraviny z krain, dzie vyroščvajecca łasoś.

Rytejler «Lenta» ciapier nie atrymlivaje tavary brenda «Ruskaje mora», raspavioŭ pradstaŭnik handlovaj sietki, adnak situacyja moža źmianicca ŭ červieni. Jon paviedamiŭ, što vytvorcy praduktaŭ z čyrvonaj ryby papiaredžvali pra mahčymyja ciažkaści z adhruzkami z-za niedachopu syraviny.

Pavodle źviestak vydańnia, siomha i farel brenda «Ruskaje mora» źnikli z prodažu ŭ Rasii.

Kamientary da artykuła