U Mahilovie kiroŭca pieraklučyła ŭvahu na dzicia i źjechała prosta ŭ vadajom FOTA
Avaryja zdaryłasia ŭ subotu 21 maja ŭ Mahilovie na darozie kala pavarotu na Ramanavičy, paviedamiła milicyja.
22.05.2022 / 19:07
Prykładna ŭ 13:00 35-hadovaja kiroŭca, ruchajučysia na aŭtamabili «Tajota» ŭ bok Čavusaŭ, pieraklučyłasia na 8-hadovaha syna, jaki siadzieŭ zzadu ŭ dziciačym kreśle.
Kiroŭca vyviernuła rul uleva, i aŭtamabil źjechaŭ u kiuviet, a paśla trapiŭ u vadajom. Žančyna z synam samastojna vybralisia z mašyny, nijakich traŭmaŭ nie atrymali.
Za niaŭvažlivaść kiroŭca atrymała piśmovaje papiaredžańnie.