Svabodaŭca Andreja Kuźniečyka pačnuć sudzić 8 červienia. Sud projdzie ŭ zakrytym režymie

Sud nad zatrymanym u listapadzie fryłansieram «Radyjo Svaboda» Andrejem Kuźniečykam raspačniecca 8 červienia ŭ Mahiloŭskim abłasnym sudzie.

25.05.2022 / 11:24

Praces budzie prachodzić u zakrytym režymie.

Andreja Kuźniečyka zatrymali 25 listapada 2021 hoda, u jaho kvatery praviali pieratrus, zabraŭšy techniku i inšyja rečy. Pieršapačatkova jaho asudzili na 10 sutak, zatym dali jašče 10, ale potym stała viadoma, što zaviedzienaja kryminalnaja sprava. Z-za krataŭ Kuźniečyk tak i nie vyjšaŭ.

Taksama ŭžo na praciahu niekalkich miesiacaŭ źniavoleńnia ani kalehi, ani rodnyja dahetul nie viedajuć, pa jakim artykule jaho abvinavačvajuć. Advakat pad padpiskaj ab nierazhałošvańni.

Taksama ŭčora stała viadoma, što sud pa spravie «BiełaPANa» pačniecca 6 červienia. Jon taksama projdzie ŭ zakrytym režymie.

Nashaniva.com