Ivonka Surviła: Janka Zaprudnik šmat zrabiŭ, kab u śviecie nie zabyvalisia pra biełarusaŭ
Pra adnaho sa starejšych dziejačaŭ biełaruskaj dyjaspary ŭ ZŠA Janku Zaprudnika, jaki pamior va ŭzroście 95 hadoŭ, zhadvaje staršynia Rady BNR Ivonka Surviła.
26.05.2022 / 17:29
Janka Zaprudnik i Ivonka Surviła. Uznaharodžańnie Miedalom BNR
«Viestku pra śmierć Janki Zaprudnika ŭspryniała z hłybokim smutkam, bo adyšoŭ u viečnaść čałaviek, jakoha viedała ź junactva, — havoryć Ivonka Surviła. — U tyja hady spadar Janka byŭ paplečnikam staršyni Rady BNR Mikoły Abramčyka».
Staršynia Rady BNR adznačyła, što Zaprudnik byŭ nie tolki viadomy historyk, pryznany aŭtar publicystyčnych artykułaŭ, ale i aktyŭny hramadski dziejač.
«Ciaham svajoj šmathadovaj dziejnaści ŭ Radzie BNR Janka Zaprudnik vielmi šmat zrabiŭ dla taho, kab u śviecie nie zabyvalisia pra biełarusaŭ, pra biełaruski narod i jaho prava na svaju niezaležnuju dziaržavu, — kaža Ivonka Surviła. — Ja da jaho časta źviartałasia pa parady i zaŭsiody atrymlivała kvalifikavanuju dapamohu. Jon byŭ vielmi adkaznym čałaviekam, a taksama čułym, dobrym siabram. Viečnaja pamiać».