Ва Украіне канфіскавалі беларускія мінеральныя ўгнаенні на суму каля 20 мільёнаў даляраў
Дзяржбюро расследаванняў Украіны паведаміла пра канфіскацыю 188 вагонаў з мінеральнымі ўгнаеннямі на суму 20 мільёнаў даляраў. У ведамстве сцвярджаюць, што тавар належыць беларускай холдынгавай кампаніі.
26.05.2022 / 22:11
Вагоны выявілі на тэрыторыі марскога порта ў Мікалаеўскай вобласці. 65 з 77 тысяч тон угнаенняў паспелі загрузіць на ўкраінскія судны, каб адправіць за мяжу.
Мікалаеўская абласная пракуратура завяла крымінальную справу супраць супрацоўнікаў Мікалаеўскай мытні, «якія спрыялі перамяшчэнню санкцыйных тавараў праз мытны кантроль».