Corriere della Sera: ES razhladaje varyjant tranzitu ŭkrainskaha zbožža praź Biełaruś
Na pazačarhovym samicie Jeŭrapiejskaha sajuza, jaki projdzie 30—31 maja, buduć razhladacca varyjanty alternatyŭnych maršrutaŭ ekspartu ŭkrainskaha zbožža pa sušy, u tym liku praź Biełaruś u party krain Bałtyi. Pra heta piša italjanskaja Corriere della Sera sa spasyłkaj na krynicu ŭ ES.
28.05.2022 / 11:44
Jeŭrasajuz prykładaje namahańni pa pošuku varyjantaŭ ekspartu ŭkrainskaha zbožža: 22 młn ton zabłakavanyja ŭ elevatarach va Ukrainie.
Krynicy haziety ŭ ES rastłumačyli, što surjozna razhladajecca varyjant, pry jakim zbožža buduć dastaŭlać pa čyhuncy praź Biełaruś u krainy Bałtyi. U takoha šlachu była b pieravaha ŭ tym, što čyhunačnyja sietki sumiaščalnyja, ale nieviadoma, čaho Minsk choča ŭzamien, vierahodna, źmiakčeńnia sankcyj. Taksama paśla napružanaści apošnich miesiacaŭ u adnosinach ź Litvoj i Łatvijaj pahadnieńnie padajecca małavierahodnym.
Krainy ES viaduć pieramovy z Turcyjaj pa stvareńni biaśpiečnych kalidoraŭ praz Basfor, metaj jakich źjaŭlajecca abarona handlovych sudnaŭ ad płyvučych minaŭ u Čornym mory. Hetuju prablemu abmiarkoŭvali kiraŭniki MZS Rumynii i Polščy z tureckim kaleham u Stambule.
U ES abmiarkoŭvajucca taksama varyjanty makrafinansavaj dapamohi biednym krainam Afryki i baraćby sa sprobami błakiroŭki ekspartu charčavańnia.