Na mahile Barysa Kita złamaŭsia kryž
U niamieckim Visbadenie na mahile biełaruskaha navukoŭca Barysa Kita złamaŭsia kryž, paviedamiŭ karespandent «Našaj Nivy».
28.05.2022 / 17:35
Kala mahiły pavalenaje dreva, jakoje paškodziła i susiedniuju mahiłu. Atrymać kamientar administracyi mohiłak nie atrymałasia.
Barys Kit pamior ad pnieŭmanii 1 lutaha 2018 hoda ŭ domie sastarełych u niamieckim Frankfurcie-na-Majnie.
Barys Kit.
Na momant svajoj śmierci Barys Kit byŭ najstarejšym biełarusam u śviecie, jamu było 107 hadoŭ. Kit — navukoviec, piedahoh, udzielnik nacyjanalna-vyzvalenčaha ruchu 1920—30-ch hadoŭ u Zachodniaj Biełarusi, viazień polskich i nacysckich turmaŭ, dziejač pavajennaj emihracyi ŭ ZŠA i Niamieččynie.