Загружанасць «Нафтана» складае 64%, ёсць праблемы з лагістыкай
У прадпрыемства праблемы не толькі з загрузкай, але і з лагістыкай.
30.05.2022 / 12:50
У сюжэце наваполацкага канала «Звязда» расказалі аб праблемах на нафтаперапрацоўчым заводзе з-за санкцый. Загружанасць магутнасцяў прадпрыемства складае 64 працэнты.
Істотна ўпалі імпарт і экспарт, вялікія цяжкасці з лагістыкай. «Краіны Балтыі, Польшча і Украіна закрылі магчымасці для транзіту, застаўся адзін лагістычны праход — праз Расію, але яна таксама зведала цяжкасці — даводзіцца чакаць, каб трапіць у чаргу на танкер» — расказаў намеснік дырэктара «Нафтана» Мікалай Юшкевіч. Ён выказаў спадзеў, што сітуацыя выправіцца «ў найбліжэйшыя гады».