U Mazyry pamierła adnahadovaja dziaŭčynka, jakuju maci samavolna zabrała z balnicy
Prakuratura pravodzić pravierku pa fakcie śmierci niemaŭlaci.
07.09.2009 / 15:28
U Mazyry pamierła adnahadovaja dziaŭčynka, jakuju maci samavolna zabrała z balnicy, dzie dzicia znachodziłasia na lačeńni.
Jak paviedamili ŭ prakuratury Mazyrskaha rajona, paviedamleńnie pra hibiel dziaŭčynki pastupiła ź miascovaj dziciačaj balnicy. Miedrabotniki paviedamili pravaachoŭnym orhanam, što ŭ ich na lačeńni znachodziłasia dziaŭčynka 2008 hoda naradžeńnia z dyjahnazam «sutarhavy sindrom».
6 vieraśnia ŭ 18.00 maci dziaŭčynki, žycharka Mazyra 1990 hoda naradžeńnia, zabrała dzicia dadomu, a ŭ 20.50 pryviezła ŭ balnicu biez prykmiet žyćcia. Trup biez bačnych prykmiet hvałtoŭnaj śmierci dastaŭleny ŭ morh. Prakuratura pravodzić pravierku pa fakcie śmierci niemaŭlaci.