«Kryminalnaje čytvo» ź Janukievičam
Novaabrany kiraŭnik Partyi BNF Alaksiej Janukievič u svoj čas ahučyŭ na biełaruskuju movu hieroja Brusa Ŭilisa z «Kryminalnaha čytva».
07.09.2009 / 19:05
Novaabrany kiraŭnik Partyi BNF Alaksiej Janukievič u svoj čas ahučyŭ na biełaruskuju movu hieroja Brusa Ŭilisa z «Kryminalnaha čytva».
Pry hetym pierakład kultavaj stužki Kviencina Tarancina redahavali kalehi Janukieviča pa partyi Vincuk Viačorka i Piatro Sadoŭski, a kiravaŭ prajektam Franak Viačorka. Tady jon jašče nie byŭ u sałdatach.
U filmie hieroj Brusa Ŭilisa-Janukieviča baksior Butč pa zahadzie mafijozi-muryna musiŭ paddacca na rynhu. Ale zamiest hetaha Ŭilis-Janukievič nakaŭtavaŭ supiernika naśmierć. Paśla sutyčki baksiora i mafijozi jany traplajuć u łohava mańjakaŭ. Ale hieroj vyzvalajecca i z dapamohaj samurajskaj šabli chutka navodzić paradak.
Pa vychadzie biełaruskaj ahučki filmu razhareŭsia skandał. Na paproki, što «prychilnik chryścijanska-demakratyčnaj tradycyi BNF» dublavaŭ kryminalny film,
Janukievič adkazaŭ: «Film sam pa sabie absalutna nie piarečyć nijakim maim kaštoŭnaściam, nie liču, što hety momant niejak moža adbicca na majoj palityčnaj karjery. Hieroj, jakoha ja ahučvaju, jašče i vielmi mocny ducham persanaž, sam pra siabie kłapocicca, prydumlaje niejkija kambinacyi i damahajecca taho, što jon choča».
Ciapier vobraz Butča zajhraŭ novymi farbami.
Frazački, prydumanyja Tarancinam dy ŭkładzienyja Viačorkam z Sadoŭskim u vusny Ŭilisa-Janukieviča, vyklikajuć hamieryčny rohat: «Dla vybuchaŭ i stralaniny jašče zarana» abo «Z. padoch, bebi, Z. padoch».
Dalejšy manałoh pra bojku, ahučany Janukievičam, tłumačeńniaŭ nie patrabuje.