Kuleba Makronu: Zakliki nie prynižać Rasiju prynižajuć Francyju
Ministr zamiežnych spraŭ Ukrainy Dźmitryj Kuleba adreahavaŭ u Tvitary na niadaŭnija słovy prezidenta Francyi Emaniuela Makrona, jaki zaklikaŭ «nie prynižać Rasiju».
04.06.2022 / 18:00
Dźmitryj Kuleba
«Zakliki paźbiehnuć prynižeńnia Rasii mohuć tolki źniavažyć Francyju — ci lubuju inšuju krainu, jakaja ź imi vystupaje. Bo heta Rasieja sama prynižaje siabie. Nam usim lepš zasiarodzicca na tym, jak pastavić Rasieju na miesca. Heta pryniasie mir i zachavaje žyćci», — napisaŭ ukrainski ministr.
Raniej Emaniuel Makron u intervju francuzskaj presie zajaviŭ, što Rasija «nie pavinna być prynižanaja», pakolki, kali vajna va Ukrainie skončycca, suviazi ź joj pryjdziecca adnaŭlać. Makron bačyć u hetym pracesie dla Francyi pasiarednickuju rolu.