Praciahvajucca pahromy: dabralisia da doma Valeryja i Vieraniki Capkałaŭ
Były kiraŭnik Parka vysokich technałohij i palityk Valeryj Capkała raspavioŭ «Našaj Nivie», što siońnia ŭ rajonie abiedu siłaviki naviedalisia ŭ jaho dom u Minsku.
06.06.2022 / 15:44
Havorka idzie pra katedž na zavułku Ciapličny, niedaloka ad Nacyjanalnaj bibłijateki.
Archiŭnaje fota, 2020 hod
«Dom byŭ razhromleny. Vybityja vonkavyja i mižpakajovyja dźviery, pabityja vokny, źniščanaja mebla, paškodžanyja truby, u vyniku čaho cokal zatopleny i vada praciahvaje pastupać. Złamanyja taksama łožki, u tym liku dva dziciačyja, firanki razam z karnizami sadranyja, posud pabity, vydranyja razietki, pabitaja santechnika i plitka», — apisvaje Capkała karcinu.
Voś tak vyhladaŭ dom Valeryja i Vieraniki Capkałaŭ paśla «pieratrusu».
Pa infarmacyi Vieraniki Capkała, pieratrus z takimi nastupstvami ŭ domie praviali supracoŭniki Śledčaha Kamiteta Respubliki Biełaruś.