Bloomberg: Rasija i Turcyja papiarednie damovilisia ab razbłakavańni Čornaha mora, ale Ukraina nie zhodnaja z umovami
Z-za vajny ŭkrainskaje charčavańnie, hałoŭnym čynam zbožža, nie traplaje na suśvietnyja rynki, što pahražaje hoładam niekalkim rehijonam, jakija ad jaho zaležać.
06.06.2022 / 16:16
Adeski port
Jak piša Bloomberg, prezident Turcyi Redžep Erdahan prapanavaŭ dapamahčy z raźminavańniem marskoha ŭźbiarežža kala Adesy i z supravadžeńniem ukrainskich sudnaŭ sa zbožžam. Adnak Ukraina baicca, što biez abarony Adesa moža akazacca ŭraźlivaj dla napadu z boku Rasii, skazana ŭ publikacyi.
Čakajecca, što ministr zamiežnych spraŭ Rasii Siarhiej Łaŭroŭ abmiarkuje płan razbłakavańnia ŭkrainskich partoŭ padčas pieramovaŭ u Ankary ŭ sieradu.
Ahienctva taksama śćviardžaje, što Rasija patrabuje dać joj mahčymaść inśpiektavać handlovyja sudny na pradmiet najaŭnaści na ich zbroi — i z hetaj umovaj nie zhadžajecca Ukraina.