Lavončyk: Samalot Turkish Airlines zamiest Vilni ledź nie sieŭ u Minsku
Samalot kampanii Turkish Airlines zamiest Vilni ledź nie pasadzili ŭ Minsku. Pra hety vypadak raskazaŭ na svajoj staroncy ŭ Facebook suzasnavalnik By_help Alaksiej Lavončyk. Pry hetym jon adznačyŭ, što na borcie było niekalki jaho znajomych, jakim pry pasadcy ŭ Minsku pahražali b vialikija prablemy.
10.06.2022 / 18:42
Rejs TK1407 Turkish Airlines, jaki 9 červienia lacieŭ sa Stambuła ŭ Vilniu, trapiŭ nad litoŭskaj stalicaj u navalnicu i ŭvajšoŭ u režym čakańnia — pačaŭ kružlać nad aeraportam. U niejki momant piłot paviedamiŭ pasažyram, što kali z-za nadvorja ŭ Vilni pryziamlicca nie atrymajecca, pryjdziecca lacieć u Minsk.
«Jak bačycie na mapie, rejs ablataŭ biełaruskuju terytoryju ŭ adpaviednaści z sankcyjami. Adnak čamu piłot vyrašyŭ, što siadać jon budzie ŭ Miensku, kali na kudy mienšaj adlehłaści była Koŭnia i na adlehłaści ŭ paŭtara raza dalej była Ryha, jakija byli adkrytyja, ja nie razumieju. Paliva da luboha z hetych aeraportaŭ dakładna b chapiła, ja bačyŭ pieranakiravańni rejsaŭ i ŭ bolš dalokija punkty», — napisaŭ jon.
U vyniku samalot paśpiachova pryziamliŭsia ŭ Vilni. Ale ŭličvajučy samu patencyjnuju hatoŭnaść tureckich piłotaŭ lacieć, kali što, u Minsk, Lavončyk nie raić biełarusam, jakim pahražajuć represii na radzimie, karystacca pry palotach u Vilniu pasłuhami kampanii Turkish Airlines. Inačaj moža paŭtarycca historyja z Ramanam Pratasievičam i Safijaj Sapieha.