У Мінску з'явіліся вуліца Алфёрава і плошча Філарэта
На мапе Мінска з'явіліся новыя назвы. Рашэнне Мінгарсавета №395 ад 3 чэрвеня апублікаванае на Нацыянальным прававым інтэрнет-партале. Дакумент набывае моц пасля апублікавання.
15.06.2022 / 09:37
Фота: Reform.by
На тэрыторыі комплексу «Мінск-Мір» з'явіліся вуліца Жарэса Алфёрава, а таксама плошча Стары аэрапорт.
Пляцоўцы ля Свята-Духава кафедральнага сабора прысвоенае імя Мітрапаліта Філарэта.
Сквер у межах вуліц Казінца і Каржанеўскага назвалі ў гонар удзельніка Вялікай Айчыннай вайны, падпалкоўніка міліцыі Васіля Цвяткова.
Таксама афіцыйна замацаваныя назвы гістарычных кварталаў Раманаўская Слабада, Старажоўка, Пярэспа і Татарская Слабада.