Vydaviec Andrej Januškievič vyjšaŭ na volu paśla 28 sutak aryštu
Pra vyzvaleńnie Andreja Januškieviča napisała Biełaruskaja rada kultury z prypiskaj, što «ciapier jon u biaśpiecy». Inšych padrabiaznaściaŭ pakul što niama.
15.06.2022 / 22:08
Andrej Januškievič byŭ zatrymany 16 maja ŭ pieršy dzień pracy zasnavanaj jahonym vydaviectvam «Januškievič» kniharni «Knihaŭka». Pierad hetym u kniharniu naviedalisia dziaržaŭnyja prapahandysty Ryhor Azaronak i Ludmiła Hładkaja.
Spačatku Januškievič atrymaŭ 10 sutak aryštu, paśla ich adbyćcia jamu dadali jašče 10. Ale nie vypuścili i paśla hetaha, dadali novy termin — 8 sutak. Vypuścili tolki ciapier.
Razam z Andrejem Januškievičam była zatrymanaja supracoŭnica kniharni «Knihaŭka», litaraturny krytyk Nasta Karnackaja. Jana taksama adbyła 23 sutak źniavoleńnia i ŭžo vyjšła na volu.