Biełaruski kiroŭca naśmierć źbiŭ ukrainca kala polska-biełaruskaj miažy
Unačy 14 červienia niepadalok ad pamiežnaha pierachodu «Terespal» biełaruski kiroŭca naśmierć źbiŭ piešachoda, paviedamlaje palicyja Biała-Padlaski.
15.06.2022 / 22:33
Fota: biala-podlaska.policja.gov.pl
Pavodle papiarednich źviestak, 47-hadovy biełarus na lehkavym aŭtamabili Citroen źbiŭ piešachoda, jaki byŭ na darozie. Paciarpiełym akazaŭsia 53-hadovy hramadzianin Ukrainy, kiroŭca hruzavika, jaki ŭ toj momant byŭ pobač z aŭtamabilem na sustrečnaj pałasie. Mužčynu dastavili ŭ špital, adnak ad atrymanych traŭmaŭ jon pamior.
Palicyja pacvierdziła, što kiroŭca Citroen byŭ cviarozy. Pad kantrolem prakuratury palicyja vyśviatlaje ŭsie akaličnaści zdareńnia.