Dva hady chimii pryznačyli eks-advakatu Andreju Mačałavu
Jurysta abvinavačvali ŭ tym, nibyta jon padrabiŭ ordar na ŭdzieł u kryminalnym pracesie, choć viedaŭ, što byŭ vyklučany ź Minskaj haradskoj kalehii advakataŭ.
16.06.2022 / 10:59
Zajavu na Mačałava napisała sudździa Anžeła Kaściukievič, jakaja sudziła padabaronnuju advakata Juliju Sinialovu. U joj havaryłasia, što juryst pryjšoŭ u sud ź niesapraŭdnymi dakumientami. Ale jak kazaŭ Mačałaŭ, jon tolki padčas pracesu daviedaŭsia, što pazbaŭleny licenzii.
Prakuror zaprasiŭ dla Mačałava dva hady abmiežavańnia voli z nakiravańniem u papraŭčuju ŭstanovu adkrytaha typu («chimii»). Taki prysud vyniesła sudździa Taćciana Šocik, piša «Viasna».
Advakat Mačałava Vital Brahiniec z 25 maja znachodzicca pad aryštam, tamu na nivodny praces svajho padabaronnaha jon nie patrapiŭ.