Siońnia ranicaj z terytoryi Biełarusi abstralali Čarnihaŭskuju i Žytomirskuju vobłaści
Pa Čarnihaŭskaj i Žytomirskaj vobłaści siońnia ranicaj ź Biełarusi nanieśli masavyja rakietnyja ŭdary.
25.06.2022 / 09:00
U paviedamleńni apieratyŭnaha kamandavańnia «Poŭnač» adznačajecca, što a piataj ranicy pa Čarnihaŭskaj vobłaści byŭ zładžany masavy rakietny abstreł. Z terytoryi Biełarusi z samalotaŭ i ź ziamli vypuścili 20 rakiet pa nasielenym punkcie Dziasna.
Viadoma pra rujnavańni abjektaŭ infrastruktury, papiarednie biez achviar.
Pa navakolli Žytomira vypuścili 24 rakiety z samalotaŭ, jakija zajšli ź Biełarusi. Pra heta paviedamiŭ Siarhiej Suchamlin, kiraŭnik horada.
Byli abstralanyja vajskovyja abjekty vakoł horada. U sam horad ničoha nie prylacieła.
«Łukašenka piatlaje pierad Pucinym i svajoj armijaj, ale siońnia my pabačyli paćviardžeńni tamu, što i tak viadoma pra jaho. Pabačyli, što Biełaruś taksama biare ŭdzieł u vajnie, jak i RF», — skazaŭ Suchamlin.
Kiraŭnik abłasnoj vajennaj administracyi Vital Bunečka paviedamiŭ, što adzin vajskoviec zahinuŭ, jašče adzin byŭ paranieny. Pa jahonych słovach, pa horadzie byli vypuščanyja 30 rakiet.