«Sistema abarony Vialikaha Kniastva Litoŭskaha ŭ XVI—XVII stahodździach». Publičnaja lekcyja Mikoły Vołkava VIDEA
U kancy XVIII stahodździa Reč Paspalitaja i Vialikaje Kniastva Litoŭskaje źnikli z palityčnaj karty Jeŭropy. Mnohija ličać, što paśla hetaha dziaržavy byli słabymi i nie mahli siabie abaranić, ale heta ŭjaŭleńni paźniejšaha času. Pra heta ŭ Biełaruskim moładzievym chabie ŭ Varšavie, jaki ź niadaŭniaha času staŭ ładzić sustrečy ź biełaruskimi historykami ŭ ramkach śpiecyjalnaha prajekta «Kava z historykam», raspavioŭ kandydat histaryčnych navuk Mikoła Vołkaŭ.
26.06.2022 / 16:31
U XVI—XVII stahodździach VKŁ u baraćbie z susiedkami zdoleła vybudavać sistemu abarony i ŭtrymlivać svaje miežy padčas vajennych kanfliktaŭ. Jana hruntavałasia nie tolki na zamkach i zbroi ŭ ich arsienałach, ale i na pravach žycharoŭ pamiežnych ziamiel.
Paśla Lublinskaj unii 1569 h. faktyčna ŭsia sistema abarony VKŁ była skancentravanaja na biełaruskich ziemlach i zaležała ad pazicyi biełarusaŭ, kali kazać sučasnaj terminałohijaj. U hetym była jaje siła i słabaść.