Anisiju Kaźluk aštrafavali na 1700 hryŭniaŭ, vyhaniać z Ukrainy nie stali
Anisiju Kaźluk aštrafavali na 1700 hryŭniaŭ (heta kala 60$), ale štamp u pašpart, jaki abaviazvaje pakinuć Ukrainu, mihracyjnyja orhany nie pastavili. Pra heta sama pravaabaronca napisała ŭ Fejsbuku.
27.06.2022 / 17:48
Kaźluk zatrymali ŭ piatnicu ŭ Kijevie na vychadzie ź ciahnika z pryčyny adsutnaści dazvołu na pražyvańnie. Jaje advieźli ŭ palicyju, a zatrymańnie patłumačyli nielehalnym znachodžańniem va Ukrainie. Heta vyklikała abureńnie z boku biełarusaŭ, pakolki Anisija Kaźluk viadomaja jak asoba, što ŭ časy vajny šmat rabiła dla dapamohi ŭkraincam i Ukrainie.
Anisija ŭ 2018 hodzie, budučy vałanciorkaj Pravaabarončaha centra «Viasna», trapiła ŭ «tryccatku» časopisa Forbes samych pierśpiektyŭnych ludziej Jeŭropy, maładziejšych za 30 hadoŭ («30 Under 30 Europe») u katehoryi «Prava i palityka».