Brytanskaja raźviedka: Rasijskija vojski źniasilenyja
Zhodna sa štodzionnaj spravazdačaj raźviedki Vialikabrytanii, ukrainskija vojski praciahvajuć umacoŭvać svaje pazicyi na ŭzvyššy ŭ rajonie Lisičanska paśla adychodu ź Sievieradaniecka.
28.06.2022 / 10:54
Ministr abarony Rasii Siarhiej Šajhu (sprava) padčas naviedvańnia rasijskich padraździaleńniaŭ va Ukrainie. Fota: AP
Rasija nie moža zamacavacca na zachoplenych terytoryjach, dziakujučy paśpiachovym udaram ukrainskaj armii pa tyłach sapiernika.
Z 24 pa 26 červienia Rasija abstralała terytoryju Ukrainy rakietami vialikaj dalokaści. Vykarystoŭvalisia, chutčej za ŭsio, rakiety savieckaha ŭzoru AS-4 i bolš sučasnyja AS-23a.
Hetaja zbroja była raspracavanaja dla paražeńnia celaŭ, jakija majuć stratehičnaje značeńnie, ale Rasija praciahvaje aktyŭna vykarystoŭvać jaje dla atrymańnia taktyčnaj pieravahi. U naziemnych apieracyjach Rasija dakładna hetak ža vykarystoŭvała častki šaści roznych vojskaŭ, ale damahłasia tolki taktyčnaha pośpiechu pad Sievieradanieckam.
Rasijskija ŭzbrojenyja siły źniasilenyja. Rasijskaje kamandavańnie razumieje, što ŭ ciapierašni čas uzrovień bajavoj efiektyŭnaści vojska pahoršyŭsia, i vajavać tak doŭha budzie niemahčyma.