Mikołu Markieviču prysudzili 10 sutak
Jaho pakarali za pierapost u sacsietkach «ekstremisckich materyjałaŭ». Sud adbyŭsia ŭ Hrodnie ŭ minułuju piatnicu.
28.06.2022 / 17:39
Mikołu Markieviča zatrymali 21 červienia prosta ŭ jahonym ofisie ŭ Hrodnie. Mierkavana, pracavaŭ HUBAZiK.
Mikoła Markievič u 1990-ch byŭ zasnavalnikam i hałoŭnym redaktaram haziety «Pahonia», deputatam Viarchoŭnaha Savieta ChII sklikańnia. U 2002 hodzie byŭ asudžany na dva hady abmiežavańnia svabody za paklop na Łukašenku. Paźniej byŭ redaktaram haziety «Dzień», pracavaŭ na «Radyjo Racyja», byŭ staršyniom hrodzienskaha addzialeńnia Tavarystva biełaruskaj movy.
Ciapier zajmajecca pasažyrskimi pieravozkami ŭ firmie «Kłas-Tur».